Ando Burgenland pe um te dikel taj o lejcti 100 berscha – historija(i) – manuschen – jeriniptscha – te lakel. Krejativi, historischi ischkolakere projekti and te bitschal taj latsche gondi la cukunftake le thanestar te entviklinel. Uso ischkolakero donde bescharipe CUKUNFT BURGENLAND 5.0 mit te kerel taj o schajipe te nucinel, hot o projektoskero gondo prik beschardo ol!
Khetan - historija te (ter)dschil–cukunft te kerel!
Mag. Hans Peter Doskozil
Thaneskero schero
„Amaro jubilejum telal o anav „Amen 100 sam“ ojs baro khetanipe dschivdo taj schundo te ol. Amen na kamaha 2021 tschak pal te dikel, amen ande but thana te gondi jeke jerime entviklinipeske te bescharel kamaha, save aun likeren. O projekti le burgenlanditike ischkolendar taj o cukunftakero donde bescharipe adaj jek barikano falato use ledschna.“
Mag.a (FH) Daniela Winkler
Thaneskeri rotkija
„Le Burgenland jek micindi historijakeri phuri cajt hi. Sajt 1921 o Burgenland ojs o lek terneder bundakero than, barikane entviklintscha pe. Butvar ando sikadipeskero than o Burgenland vasch igen latsche butja uso sikadipeskero than ulo. Amare mindenfelitike sikadipeskere dipenca, kamaha amen le cile tschavenge taj le cile ternenge te andi cukunft o glajchi jeriniptscha taj o lek feder schajiptscha te del.“
Mag. Heinz Josef Zitz
Sikadipeskero direkteri
„100 berscha Burgenland te 100 berscha sikadipeskeri historija Burgenland hi. Amen upre barikane butja pal dikas, upre barikane jeriniptscha taj upro baro potencijal le schajiptschendar. La inovacijonaha, le cajtiskere gondoha taj le interesiha planinas taj butschalinas amen la cukunftake.“
Falato le jubilejumistar te ol
Uso kesdipe le jubulejumistar o cile ischkoli, ischkolaschkiji/ischkolaschtscha taj lengere familiji vodschikan akarde hi, aktivi uso keripe le jubilejumiskere artschijipestar "Amen keras historija!" mit te kerel. Amen rodas historischi kipi, filmtscha, poschtakere kartscha, lila, diveseskere kenvi vaj avre objektscha andar tumaro archivo.
