Informaciji

Adi o Burgenland ando austritiko barikano than terdschol – jek than cukunftaha, but mindenfelitike kojenca taj schukaripeha. Jek than upre saveskere jeriniptscha ar pe potschinel, pascheder otscha te dikel.

2021 mulatinas amen o 100-berschengero use kerinipe amare bundakere thanestar usi Austrija. Jek schelberschengero, kaj pe o „lek terneder tschau la Austrijatar“ andar jek thaneskeri dorik maschkar i Austrija taj o Ungriko, oni granici taj oni anav, use jek vodschikano familijakero jerinipeskero than utscha dschivipeskera kvalitetaha taj mindi virtschoftakere bartschojipeha, savo mindig buteder ol, entviklintscha.

I kesdipeskeri cajt le lek terneder bundakere thanestar la Autstrijatar jek phari sina, savi le burgenlanditike dschenendar but tel mangla. O resultatscha le erschti themeskere habruistar, o pelinipe vasch o granicakero cidipe, bare virtschoftlichi problemtscha, but dschene adatar bejg gele taj te o rodipe pal jek ajgeni identiteta, hischo pedar o berscha, kada amaro bundakero than upro them alo, paschlartscha.